Протест на средношколците во петок

Средношколците сепак ќе излезат на протести во петок за да го искажат своето незадоволство од одлуката за он лајн настава во текот на следната учебна година.

Како што и самите средношколци претходно објавија тие сакаат учебната година да почне со комбиниран метод на настава. Тие денеска имаа он лајн состанок со 40-тина претставници од 17 градови. Средношколците  вчера беа на состанок во владата, но и покрај тоа тие решија да излезат на протест. Рекоа дека единственото добро што излегло од средбата е дека во иднина и тие ќе седнат на заедничка маса со претставници од владата и ќе носат одлуки за начинот на кој што ќе се спроведува наставата.