Проширување на детската градинка во општина Илинден

Продолжуваат градежните активности на новиот дел од детската градинка „Гоце Делчев“ во општина Илинден на површина од 650 метри квадратни, информираат од општината.

Се работи на изградбата на  пет занимални за згрижување на 120 деца, на возраст од 2 до 6 години, со што вкупниот капацитет на градинката ќе биде 350 деца, проширување на кујната во градинката, и новата  сала за приредби и манифестации.

Вкупната инвестиција на проектот изнесува 15 милиони денари, средства обезбедени од Буџетот на општина Илинден, а градежните активности се планира да бидат завршени во септември оваа година.