Пронајдени безживотните тела на тројцата кинески рудари во рудникот Булќиза

По шестдневна потрага синоќа се извлечени безживотните тела на тројцата кинески рудари, кои загинаа при несреќа во рудникот за хром во албанското гратче Булќиза.

Рударите настрадаа во саботата на околу 700 метри под земја, при експлозија на гас. При несреќата веа повредени уште тројца Кинези, кои беа хоспитализирани во градската болница и се во добра здравствена состојба.

Кинеските рудари биле ангажирани во отворање на нов коп. Инвестицијата ја реализирала компанијата концесионер „Албхром“ преку кинеската компанија „Венжу Мајнинг“, која имала договор со концесионерот.

Во акцијата за пронаоѓање на рударите, во која беше вклучена многубројна спасувачка екипа, асистираа и претставници на кинеската амбасада во Тирана и албанското Министертво за енергетика.

Истрагата за несреќата ја води обвинителот Рифат Којку.