Пронајден стружанец премрзнат во шума
Полициската станица од Струга успешно ја заврши дводневната акција за пронаоѓање и спасување на жител на селото Враништа што претходно беше пријавен за исчезнат.
Во акцијата, на местото викано „Врагудењца“ лоцирано во атарот на селото Радожда, бил пронајден К.Ц. (70) од струшкото село Враништа, кој ден пред тоа беше пријавен за исчезнат. Околу 13:30 часот полициските службеници го забележале К.Ц. во планинскиот дел источно од магистралниот пат Струга-Ќафасан.
Тој бил во хипотермичка, свесна, но неконтактибилна состојба. После пронаоѓањето и првично дадената помош, К.Ц. со медицинско возило бил пренесен во општата болница во Струга на понатамошно лекување.
Во дводневната акција, беше ангажиран поголем дел од униформираниот полициски состав, инспектори од криминалистичката полиција како и две лица од селото Мали Влај. Тие, групирани во неколку тимови, два дена вршеа дневни и ноќни прегледи и претреси на поширокото подрачје на теренот во близина на Радожда. Инаку, на 12.11.2015 годниа околу 20,30 часот членови од неговото семејство во полициската станица во Струга го пријавиле исчезнувањето на К.Ц. кој во пределот Ќафасан-Мали Влај заминал да собира печурки.
Ново на Сител
-
Мицкоски: Расте македонскиот извоз, повеќе пари за граѓаните
-
Трамп: Путин е свесен дека се можни нови американски санкции
-
Најмалку 24 загинати во поплавите во Тексас, меѓу нив и деца
-
Зголемен интензитетот на сообраќај, на „Табановце“ и „Богородица“ се чека до 40 минути
-
Амнести: Властите во Србија мора да ја прекинат незаконската употреба на сила против демонстрантите и да истражат пријави за полициско насилство
-
Денеска многу топло, до 41 степен, надлежните препорачуваат мерки за заштита
-
Макрон: Путин не попушта, санкциите остануваат клучни
-
Амбасадата во Белград ја потврди информацијата за загинат македонски државјанин во сообраќајка