Пронајде куфер на автопат, ќе го следи ужас цел живот

Моторџија возејќи по автопатот Карунда во Австралија пронајде куфер. Откако го отвори виде ужасна слика која ќе го следи за цел живот.

Имено во куферот биле спакувани посмртните останки на дете на возраст од 2 до 5 години како и негова облека.

Австралиската полиција ги објави фотографиите од пронајдената облека во куферот со надеж дека ќе се открие идентитетот на несреќното дете.

Се верува дека било жртва на ужасно мачење и злоупотреба пред да биде убиено и спакувано во куферот кој потоа е фрлен покрај автопатот.

Бидејќи е пронајдена розова облека се претпоставува дека жртвата е девојче иако во текот на истрагата од остатоците не може да се утврди ниту полот, возраста а нема ниту ДНК за проверка во базата на исчезнати деца.

Истрагата е во тек и откако се објавени парчињата облека во полицијата пристигнале над 100 повици чија содржина се проверува со надеж дека ќе се открие идентитетот на детето како и осомничен за ова ужасно злосторство.

www.youtube.com/watch?t=10&v=E93f-rCXVH4