Промоција на филмот „Комедија дел Арте“ на Филмофилска продукција

Комедија дел Арте (Comedia dell Arte) е насловен првиот долгометражен аматерски филм на Филмофилска продукција којшто  вечер  со почеток во 20 часот ќе биде промовиран во Кинотека на Македонија.

Во центарот на приказната е Сокуров - ексцентричен режисер кој сака да создаде филмско ремек дело, но наидува на тешка соработка со својот тим, а тука е и кармата...

Од продукцијата, филмот го опишуваат како комедија со елементи на фантастика, и велат дека претставува своевиден „трејдмарк“ на нивното творештво.

Comedia dell Arte е во режија и сцеарио на Владимир Најдовски, а улогите ги толкуваат Златко Поповски, Бојана Тосковска, Игор Јованов, Ива Парлапанов, Моника Спасева и Никола Виларов.

Филмофилска продукција зад себе има три краткометражни филмови - „Сенките на сонот“, „Иумидрум“ и “Фи“.