Проесечната плата во мај 24.509 денари | Сител Телевизија
Бизнис
20. July 2018 - 12:25

Проесечната плата во мај 24.509 денари

Просечната месечна исплатена нето-плата по вработен, во мај годинава изнесувала 24 509 денари, и е за 7,1 отсто повисока од мај 2017-та, соопшти Државниот завод за статистика.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Објекти за сместување и сервисни дејности со храна (23.1 %), Финансиски дејности и дејности на осигурување (17.4 %) и Информации и комуникации (15.3 %).

Зголемување во однос на претходниот месец е регистрирано во секторите: Финансиски дејности и дејности на осигурување (19.2 %), Објекти за сместување и сервисни дејности со храна (13.9 %) и Преработувачка индустрија (3.1 %).

Просечната месечна бруто-плата, пак, во мај 2018 изнесувала 35 983 денари.