Проект „Брана Речани“ – пробиен патот до круната
Во тек е реализацијата на проектот за изградба на браната „Речани“ на Оризарска река кај Кочани. Се довршува пробивањето на пристапниот пат до круната на браната што ќе овозможи изведување на градежните работи.
При неодамнешната посета на Кочани, министерот за земјоделство, шумарство и востопанство Михаил Цветков изјави дека за недела-две ќе се објават финансиските услови за изградба на браната кои ќе бидат претставени на петте градежни фирми кои пројавиле интерес.
- При крај е и експропријацијата на земјиштето каде што ќе биде градена самата брана и новото вештачко езеро, изјави Ратко Димитровски, градоначалник на Кочани.
Вештачкото езеро ќе располага со капацитет од над 20 милиони кубици вода, кое ќе се користи за водоснабдување на над 80 илјади жители од Кочани, Виница, Зрновци и Чешиново-Облешево, како и за изградба на три мали хидроцентрали и наводнување на нови 2500 хектари земјоделско земјиште.
Со изградбата на браната се очекува општината и поширокиот регион од источна Македонија да имаат придобивки пред се во развојот на рибарството и езерскиот туризам.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари