Проекција на видеа од концертите на Симфонискиот оркестар на ФМУ во 2004 и 2005
По повод 50 годишнината на Факултетот за музичка уметност во Скопје, одделот и насоката за сонологија со мултимедија при овој факултет започнува со емитување видеа снимени од студентите и професорите на овој оддел. Првата проекција ќе биде вечер во Концертната сала на ФМУ.
Првите две видеа ќе ги претстават концертите на Симфонискиот оркестар на ФМУ под диригентската палка на професорот Саша Николовски во 2004 и 2005 година. На програмата на овие концерти се делата: Водич низ оркестарот за младите – Варијации и фуга на тема од Персл од Бенџамин Бритн, Слики од изложбата од Мусоргски-Равел, Концерт за пијано и оркестар од Морис Равел и Симфонија во де-мол од Цезар Франк. Како солист на пијано настапува Кристина Светиева, тогаш студент, а денес доцент на ФМУ.
Во следните проекции кои во текот на оваа година ќе се одржуваат еднаш месечно ќе биде прикажан дел од богатата продукција на аудио и видео снимки од концертите на студентите, професорите и ансамблите на ФМУ, настапи на други ансамбли, портрети на важни музички личности и друг документарен материјал.
Со овие проекции ќе биде одбележена и 15 годишнината од започнувањето на наставата на одделот и насоката за сонологија со мултимедија при ФМУ кои ја водат професор Димитрије Бужаровски и доцент Трена Јорданоска.
Ново на Сител
-
Приведен дилер во Куманово
-
Приведен крадец во Маџари
-
Мицкоски најави прва инвестиција во вторник
-
Почна пленарната седница за избор на владата
-
Естонија привремено ја затвора североисточната граница со Русија
-
Мартинез: Роналдо е во португалската репрезентација затоа што тоа го заслужува
-
Во новата Влада ќе има 20 мажи и три жени, просечната возраст 47 години
-
Осум пожари во изминатото деноноќие, активен пожарот кај кичевското село Цер