Продолжуваат антивладините протести во Венецуела
Венецуелската полиција го приведе номинираниот судија во Врховен суд, Анхел Серпа, соопшти опозицијата.
Опозиционерот Хулио Борхес на Твитер напиша дека властите немаат оправдание за приведување на судијата Серпа и ја обвини полицијата дека е „во служба на диктатурата“ на претседателот Николас Мадуро.
Владата на Мадуро одбива да ги признае 33 судии во Врховниот суд, именувани од Параламентот, кој е под конторла на опозицијата.
Опозицијата по синоќешните судири со полицијата најави уште 48 часа генерален штрајк што ќе се одржи в среда и в четврток.
Неколку илјади луѓе синоќа се обидоа да протестираат пред Врховен суд, во знак на поддршка на судиите именувани од опозицијата, но беа спречени од полицијата.
Демонстрантите фрлаа со камења и Молотови коктели, а полицијата употреби солзавец.
Антивладините протести во Венецуела траат четири месеци при што загинаа најмалку 97 луѓе, а илјадници се повредени или се во притвор.
Во меѓувреме неименувам американски претставник најави дека САД размислуваат да воведат санкции кон Венецуела, во чии рамки би можеле да ја запрат испалата на нафта.
Американската администрација има за цел да изврши притисок врз Мадуро за да се откаже од плановите за спорниот нов Парламент, со кој би се зацврстила неговата положба како диктатор.
Планот на Мадуро до сега го осудија Европска унија, Обединети нации, Организацијата на Американски Држави и Католичката црква.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто