Продолжува штрајкот на грчките морнари, земјоделците не попуштаат со блокадите
Грчките бродови ќе останат закотвени во пристаништата и денеска и утре, откако синдикатот на морнарите свика нов 48-часовен штрајк во знак на протест против владините планови за пензиските реформи, јави дописникот на МИА од Атина.
Синдикатот на морнарите (ПНО) утре ќе одржи состанок на кој ќе одлучи за понатамошните акции, а веќе е донесена одлука морнарите да се приклучат на генералниот штрајк на национално ниво кој ќе се одржи на 4 февруари, во знак на протест против планираните реформи за социјално осигурување.
Штрајкот на ПНО предизвикува големи проблеми на островите во источниот дел на Егејското море каде секојдневно пристигнуваат илјадници мигранти и бегалци од Турција.
Во меѓувреме, продолжува и протестот на земјоделците кои и денеска ќе ги блокираат главните патишта во Грција и граничните премини. Блокадите ќе бидат поставени од 12 до 14, и од 18 до 21 часот по локално време на различни патишта во земјата.
Земјоделците се закануваат дека ќе го блокираат и патот до меѓународниот аердором во Атина и веќе имаат распоредено трактори на пет локации во областа.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“