Продолжува палењето на беровската депонија
Поради густиот облак од чад од беровската депонија, веќе неколку дена како што јавуваат жители, ликот на градот е нагрден, а воздухот мириса на чад и изгорено. Од Јавното претпријатие за комунални работи „Услуга“, надлежни за чистење на депонијата, велат дека и овој пат се работи за намерно палење на депонијата.
– Се работи за несовесни граѓани кои од ним познати причини ја палат депонијата и предизвикуваат состојба, најмногу заради чадот кој се шири. Ние како и досега ја следиме состојбата, со ваквите несовесни граѓани и укажуваме дека по откривање на сторителот, против истиот ќе бидат преземени соодветни санкции, велат надлежните.
Во текот на денешниот ден, како што додаваат се очекува депонијата да биде целосно изгасната.
– Во текот на вчерашниот ден до доцна вечерта и денес во утринските часови наши екипи и екипи на Територијалната противпожарна единица од Берово се на терен и работат на целосно гаснење на депонијата. Се работи за стручни лица кои работат на санирање на состојбата и непогодите од ваков вид, додаваат од ЈПКР „Услуга“.
Од претпријатието апелираат граѓаните да се воздржуваат од палење на депонијата бидејки за сторителите кои ќе бидат откриени казните се огромни.
Ново на Сител
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та