Продолжува конститутивната седница на Собранието на Србија
Пратениците во српскиот Парламент денеска ќе ја продолжат конститутивната седница.
На продолжението на конститутивната седница треба да се изберат претседател на Собранието, негови потпретседатели и членови на работните тела.
Претходно во собраниска процедура влезе предлогот за избор на поранешната премиерка Ана Брнабиќ за претседател на Собранието.
Во предлогот потпишан од пратениците на владејачкото мнозинство пишува дека Брнабиќ завршила факултет во Велика Британија, дека пред да стане премиер и да ја извршува таа функција во последните три мандати била министерка за државна управа и локална самоуправа, дека учествувала во основањето на Наледа и Фондацијата Пексим.
Треба да се изберат и шест потпретседатели на Собранието, како што е договорено на консултациите.
Се очекува да биде именуван генерален секретар на Собранието, да се изберат членови на работни тела и членови на постојани парламентарни делегации во меѓународните институции.
Новиот претседател на Собранието на Србија треба да распише избори за градската власт на Белград, кои, според најавата на претседателот Александар Вучиќ, би се одржале на 2 јуни.
Ново на Сител
-
Хоспитализирани четири лица со голема кашлица, нови 27 случаи
-
Продолжува кампањата за претседателски и парламентарни избори на 8 мај
-
Свечена промоција на нови полициски службеници во Идризово
-
Во понеделник ќе се знае дали ќе поскапи полисата за задолжителното авто осигурување
-
Кикбоксерот Бобан Илиоски светски првак во ВАКО ПРО
-
Киев: Русија ја нападна енергетската инфраструктура во три украински региони
-
Десетици торнада го погодија централниот дел на САД
-
Денеска е Лазарова сабота, утре Цветници - празници предвесници на Велигден