Продолжува конститутивната седница на косовскиот Парламент
Претседавачот со косовскиот Парламент, највозрасниот пратеник, Адем Микуловци, од движењето „Самоопределување“, за денеска во 11 часот го закажа продолжението на конститутивната седница на косовскиот Парламент.
Одлуката, како што изјави Микуловци, ја донел по барање на коалицијата ПАН (Демократската партија, Алијансата за иднината на Косово и Иницијативата за Косово).
- Да, ќе се одржи седницата. Таа е закажана за 11 часот и ја свикав по барање на ПАН, изјави Микуловци за приштинскиот весник „Експрес“.
На седницата, според дневниот ред, предвиден е избор на претседател и пет потпретседатели на законодавниот дом. Единствен кандидат за претседател е лидерот на демократите Кадри Весели, кој на оваа функција беше и во изминатиот мандат.
Предвремените парламентарни избори во Косово се одржаа на 11 јуни.
Првата конститутиивна седница на Парламентот се одржа на 3 август, на која само беа верификувани мандатите на 120 пратенци, по што беше прекината. Потоа уште неколкупати беше закажано продолжение, но без успех.
Ново на Сител
-
Состојба на патишта
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени