Пробиштип ќе постави две станици за биоотпад
Во Пробиштип ќе се инсталираат две станици за биоотпад. Проектот „Биоотпад“ се реализира со средства од ИПА програмата за прекугранична соработка, а чини 17 милиони денари.
На денешната прес-конференција најавено е дека Пробиштип ќе биде првата општина во државата што ќе ги менува навиките на граѓаните каде што од отпад ќе прави компост.
Универзитетскиот професор од Универзитетот „Гоце Делчев“ Штип, Дејан Мираковски истакна дека околу 50 отсто од отпадот може да се компостира, со што придобивка ќе има општината со намалување на трошоците за носење на отпадот на депонија, но и да се добие компост, којшто ќе се употребува во земјоделството. Освен што Пробиштип ќе има еколошки чиста животна средина ќе има и заштеди, а наредната фаза ќе биде обука на населението.
– Кога ќе се завршат сите технички подготовки за инсталација на станицата ќе следува фазата на обука на населението и на субјектите. Во истовреме ќе се прават анализи колку ќе бидат заштедите и како ќе се управува со тој отпад, рече Мираковски.
Костин Томпов од фирмата изведувач „Автоинженеринг“ вели дека отпадоците од храна кои ќе се компостираат ќе се употребуваат за ѓубриво на парковите и зелените површини.
– Целта на компостерот е да се обработуваат отпадоците од храна од домаќинствата и рестораните. Општиот капацитет е 120 тони на годишно ниво односно по 60 од една станица. Овие две станици можат да го задоволат капацитетот на сите граѓани како и на рестораните, вели Томпов.
Ново на Сител
-

Србинот Дејан Мијатовиќ нов тренер на МЗТ Скопје
-

Мицкоски од Берлин: Македонија активно учествува во разговорите за глобалната безбедност и предизвиците во светот
-

Сиљановска-Давкова ги прими акредитивите од новоименуваниот амбасадор на Кралството Саудиска Арабија Ибрахим Ал-Мади
-

Директорот на Мајкрософт: Вештачката интелегенција би можела да предизвика бројни проблеми
-

Ристески: Клучен приоритет на Владата е да ги задржи младите во државата
-

Николоски - Варнс: Потврдена посветеноста на стратешкото партнерство со САД и унапредувањето на билатералната соработка
-

Полицијата во Белгија со помош на „ГТА 6“ ги предупредува младите: Играта не е вистински живот
-

Мицкоски: Ја потврдивме поддршката за постигнување праведен и траен мир преку дијалог, дипломатија и координација

