Приврзаниците на Ердоган четврта вечер излегоа на улиците во знак на поддршка

Стотици Турци синоќа четврта вечер по ред се собираат на градските плоштади и улици, за да им изразат поддршка на Владата и на претседателот Реџеп Тајип Ердоган по неуспешниот државен удар, во кој загинаа повеќе од 200 луѓе.

Како што пренесуваат западните медиуми, најголемите собири се одржаа на „Таксим“ во Истанбул, на централниот плоштад „Кизилај“ во Анкара и во Измир. 

Демонстрантите вееја турски знамиња и извикуваа провладини и исламски слогани. Се пееја и песни кои го величаат Ердоган, а пред неговата резиденција поддржувачите го читаат и Куранот.