Приведениот маж е осомничен за вчерашниот напад во Стокхолм
Мажот, кој беше приведен синоќа во предградие на шведската престолнина и му беше изречена мерка притвор, е осомничен дека го возел украдениот камион кој прегази пешаци на централна улица во Стокхолм и потоа удри во трговски центар, соопшти портпаролот на шведската полиција
Станува збор за 39-годишен Узбекистанец, кој бил симпатизер на организацијата „Исламска држава". Тој е приведен во северно предградие на Стокхолм.Шведската полиција пронашла вреќа со експлозив во камионот,со кој напаѓачот најверојатно сакал да направи уште поголемо крвопролевање при нападот Во нападот загинаа четири лица, а беа повредени - 15. Девет се во тешка здравствена состојба.
Шведскиот премиер Стефан Лофтен изјави дека неговата земја е нападната и дека нападот е тероризам. Во Шведска денеска е Ден на жалост, а знамињата на владините згради ќе бидат спуштени на половина копје.
-
Марина Ристовска
Сите содржини од овој новинар