Приведени крадци во Кавадарци

Вчера во Кавадарци, полициски службеници од ОВР Кавадарци ги лишиле од слобода Д.Б.(22) од Виница и Р.Д.(28) од Скопје, информира МВР.

- Тие се сомничат дека во периодот од 13.09.2023 до 06.00 часот на 14.09.2023 со употреба на сила и погоден алат влегле во објект на поранешна млекарница во с.Сопот и одзеле повеќе предмети, соопшти МВР.

Од министерството додаваат дека лицата биле приведени во полициска станица и по документирање на случајот против нив ќе биде поднесена соодветна пријава.