Приведени 352 лица за време на фестивалот Ултра Јуроп во Сплит

За време на тридневниот фестивал за електронска музика во Сплит „Ултра Јуроп“ приведени се 352 лица, наплатени се казни во вредност од 130.000 евра и одземени се два килограми различни видови дрога.

Сплитската полиција приведе 255 странски и 97 хрватски државјани за време на фестивалот, пренесе хрватската агенција Хина.

Полицијата пронајде и одзеде вкупно 716 парчиња екстази, 1.593 грама марихуана, 29 таблети и во помали количини кокаин, хашиш и кетамин.