Приведен жител на Танушевци за нелегален транспорт на 30 мигранти

Полицијата приведе едно лице од скопско Танушевци за нелегален транспорт на 30 мигранти, информираат од МВР.

Полициски службеници, вчера во 11:00 часот, во близина на тунелите на автопатот во правец Демир Капија-Велес забележале товарно возило „мерцедес“ управувано од Љ.М.(23) од с.Танушевци-Скопје, кој на даден знак од полицијата не го запрел возилото.

По неколку километри Љ.М. го запрел возилото по што побегнал заедно со совозачот Р.Ј.(20) од Скопје. Полицијата го привела Љ.М., а совозачот Р.Ј. успеал да избега.

По проверката на возилото, во просторот за товар се пронајдени 30 мигранти од Авганистан, Ирак и Конго, кои се приведени во Полициската станица Неготино.

Полицијата презема мерки за пронаоѓање на совозачот Р.Ј. и за целосно расчистување на случајот.