Приведен неготинчанец за поседување и продажба на дрога
Полицијата приведе неготинчанец со иницијали А.Т (41) и против него ќе поднесе кривична пријава за „недозволено производство и пуштање во промет наркотични дроги и психотропни супстаници“ откако при претрес на неговиот дом и други простории пронајде различни видови дрога која ја продавал во повеќе градови низ државава.
Како што соопшти денеска Министерството за внатрешни работи, при претресот се пронајдени и одземени 1,5 килограми наркотична дрога марихуана, 20 таблети екстази, 36 шишиња метадон, како и околу 10 грама кокаин, околу 110 грама хероин, една дигитална вага и 36.000 денари, за кои постои сомнение дека потекнуваат од продажба на наркотична дрога.
Пријавениот А.Т наркотичната дрога ја продавал на лица -уживатели од подрачјата на Неготино, Кавадарци, Демир Капија, Валандово и Струмица.
А.Т. ќе биде предаден на надлежен судија за понатамошна постапка.
Ново на Сител
-
ДИК ги објави првичните официјални резултати од Претседателските и Парламентарните избори
-
Зеленски го потпиша законот за продолжување на вонредната состојба и општа мобилизација
-
Онлајн работа за младите со европски плати | Јанг стори со Мими | Sitel Podcast 034
-
Бангладеш: Во удари од гром загинаа 74 луѓе за 38 дена
-
Рама в недела ќе одржи собир во Атина
-
Протести во Малме против учеството на израелскиот претставник на Евровизија
-
Турција ја одложи забраната за трговија со Израел
-
Гостиварчанец измамен за 1.500 евра - сторителот е приведен