Притворот за Јанева го одложи судењето за Титаник
Притворот за Катица Јанева е доказ дека постои опасност таа да го повтори кривичното дело и во предметот Титаник и затоа е неопходно да прекине судењето. Ова на почетокот на денешното судење го изјави адвокатот Димитар Дангов кој е бранител на обвинетите во предметот Титаник. Според Дангов, со притворот за Јанева ниту обвинителката Лиле Стефанова повеќе нема право да го застапува предметот.
Обвинетиот Илија Димовски, во судницата наведе дека веќе е започната постапка за разгледување на совесноста во работењето на Јанева, постапка која се води пред советот на јавни обвинители и се додека тој не донесе одлука, судењето за Титаник да мирува.
Обвинителката Лиле Стефанова во судницата рече дека таа се уште има овластување ама побара одложување на рочиштето за да може да се произнесе.
-Беа изнесени сериозни околности од одбраната и побараа одлагање на денешното рочиште. Како јавен обвинител сметам дека моите овластувања уште се важечки иако е факт дека Катица Јанева е во притвор, изјави Стефанова.
По ова, судијата Осман Шабани го прекина денешното судење.
Зоран Јаневски
Ново на Сител
-
Тошковски: Расветлени се мотивите за дел од случаите со пожарите кои настанаа изминатиот период
-
Уапсено лице кое предизвикува пожар во скопско Огњанци
-
Објавена снимка од надзорна камера, Арсовска прва нападнала, а полицијата веднаш реагирала | ВИДЕО
-
Освоивме прва награда на ICAMES во конкуренција на 15 држави | Елена и Марко од ФЕИТ | Sitel Podcast 103
-
Алкараз ќе ја брани титулата на Вимблдон, откако избори трето финале
-
Новата ракометна сезона ќе ја отворат Еурофарм Пелистер и Вардар во Супер купот
-
Утре потопло со пораст на дневните температури
-
Општина Чаир го осудува нападот врз Арсовска, нагласува дека никој од институцијата не е поврзан со настанот