Пристигна најавената донација на 30.000 вакцини Синовак од Турција

Денеска пристигна донацијата од 30.000 кинески вакцини Синовак како донација од Турција, оваа вест ја соопшти преку својот Фејсбук профил министерот за здравство Венко Филипче.

„Уште еднаш сакам да изразам голема благодарност до Република Турција и претседателот Реџеп Тајип Ердоган за поддршката, но пред сè, за експресната испорака на ветената количина која е многу значајна за нас“, напиша министерот за здравство на неговиот профил.

Министерот Филипче додаде и дека вакцините во најкраток рок ќе бидат дистрибуирани до вакциналните пунктови ширум државата.