Принцот Филип се повлекува од кралските обврски

Принцот Филип, сопруг на британската кралица Елизабета Втора, оваа есен ќе се повлече од кралските обврски.

Одлуката е донесена лично од принцот Филип и за тоа има поддршка од кралицата, изјави портпарол на Бакингемската палата.

Персоналот на британската кралица Елизабета Втора денеска свика состанок на персоналот на кралското семејство ширум земјата.

Околу палатата, која е резиденција на британската кралица во Лондон, утринава се собраа голем број на медиуми, по новинскиот напис дека „нешто невообичаено се случува во палатата“.