Прилеп го одбележува Денот на ослободувањето
По повод 3 ноември и 72 годишнината од ослободувањето на Прилеп, денеска делегации на локалната самоуправа, на Сојузот на борци, од АРМ, на политички партии и граѓани положија цвеќе пред споменикот во месноста Песјо Брдце каде што се водела завршната борба за ослободување на градот, пред споменикот на првиот претседател на АСНОМ, Методија Андонов-Ченто, пред споменикот на идеологот на Народната револуција, Кузман Јосифовски – Питу, на Могилата на непобедените и им оддадоа почит на загинатите борци и на залужните прилепски дејци.
По повод денот на ослободувањето на Прилеп вечер на патеката на славните на „Арт“ плоштадот пред Домот на културата „Марко Цепенков“ ќе бидат врежани имињата и на истакнатите прилепчани: Блаже Алексоски, режисер и актер, на музичарот Љубен Димкароски и на писателот Петар Башески.
Вечер од 19 часот во големата сала на Центарот за култура „Марко Цепенков“, на свечена седница ќе бидат доделени наградите „3 ноември“ што ги доделува градот секоја година на залужни поединци и институции кои придонесле за афирмација и за развојот на Прилеп.
Наградата за животно годинава градот му ја доделува на Ѓорѓија Џорџ - Атанасоски за неговиот придонес во општествено-политичкиот, економскиот и културниот развој на Прилеп.
Плакети по повод 3-ти Ноември добиваат: конфекцијата „Васидора“, средното училиште ,,Орде Чопела“, Радио Холидеј, основното училиште „Кирил и Методиј“ од Канатларци, фирмата „Футура“, здруженијата: „прилепски бранители“ и „Карпалак“, Здружението на резервни воени старешини”, „Младински Совет“, фирмата „Трио-95” и „Народна техника“.
Дипломи по повод 3-ти Ноември годинава добиваат: Цветан Беличански, Илија Нестороски, Горанчо Котески, Дарко Штаргоски, Мери Мирческа, Александар Тодороски-Цандарот, Каролина Мицеска, Миле Јованоски, Дарко Неданоски и Славе Димоски.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера