Презентација на анализа и дискусија за ефектите од Берлинскиот процес

Во организација на Mрежата на граѓански организации од Југоисточна Европа која ги набљудува темите што се дел од Берлинскиот процес – SEE Think Net Network и Институт за демократија „Социетас цивлис“ , денеска во Скопје ќе се одржи презентација и дискусија за новата анализа за Берлинскиот процес „2018 Western Balkans Summit: 3 key takeaways from London”.

Анализата подготвена од Зоран Нечев и Иван Николовски од ИДЦСЦ, Јелица Миниќ од Европски покрет, Мариола Ќесараку од EU Policy Hub и Аднан Ќеримагиќ како индивидуален истражувач ќе биде презентирана во ЕУ Инфо центарот во Скопје.

На презентацијата ќе стане збор за главните придобивки од последниот самит во Лондон, како и за придобивките, но и за пречките, недостатоците и идните предизвици генерално од целиот Берлински процес.