Претставата „Карневалите на Корча“ го отвора фестивалот „Скупи“
Претставата „Карневалите на Корча“ на Националниот театар на Косово од Приштина вечерва во Театар Комедија ќе го отвори 13. Меѓународен театарски фестивал „Скупи“, кој до 27 октомври ќе прикаже уште шест претстави од регионов и од Русија.
Првата гостинска претстава, според текст на Спиро Чомора и во режија на Алтин Баша, е комедија од 19 век за богатите луѓе и нивната тенденција да ги „диригираат“ браковите на членовите на семејството.
Утревечер на програмата на „Скупи“ е бугарската претстава „Вујко Вања“ на театарот „Вазраждане“ од Софија; а во наредните денови ќе бидат изведени и: руската „Осамениот Запад“ на театарот „У моста“ од Перм; словенечката монодрама „Жените на Ибзен“ на Покет театар студио од Љубљана; српската претстава „Кири и Клодел“ на Пулс театар и терирем продукција од Белград; албанската „Добра ноќ, мајко“ на Метропол театар од Тирана и македонската „Жени пред нервен слом“ на Театар Комедија.
Според организаторите, седумте претстави на 13. МТФ „Скупи“ се избрани од околу сто што се пријавиле за учество, а програмата, како што соопштија, била конципирана со компромис меѓу нивните можности и желбата да се донесат квалитетни претстави.
Тие се жанровски разновидни – од класиката на Чехов во „Вујко Вања“ до современ театар во „Осамениот Запад“ на Мартин Мекдона, која е многу наградувана и актуелна во матичниот театар во Перм.
По различните локации на кој досега се организираше, годинава „Скупи“ ќе се одржува во Театар Комедија. Организаторите очекуваат дека до следното издание ќе биде отворен новиот објект на Албанскиот театар-Скопје каде што ќе имаат матична сцена.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата