Претседателот на рускиот Парламент ги повика пратениците да војуваат
Рускиот парламентарен лидер Вјачеслав Володин ги повика пратениците на Државната дума да учествуваат во војната во Украина по наредбата за делумна мобилизација.
– Оние кои ги исполнуваат условите за делумна мобилизација треба да помогнат со нивното учество во специјалната воена операција, објави денеска шефот на Думата на својот канал на Телеграм, пренесува ДПА.
– Нема заштита за пратениците, нагласи тој.
Рускиот претседател Владимир Путин вчера нареди делумна мобилизација во која треба да бидат повикани 300.000 резервисти со борбено искуство.
Шефот на парламентот реагираше на ставот, кој не е невообичаен во парламентарните кругови, дека повикот на Путин за национална одбрана не важи за нив.
Еден пратеник, на пример, рече дека тој е потребен во земјата. Во исто време, Володин го пофали фактот дека има парламентарци кои веќе се распоредени во окупираниот регион Донбас во источна Украина. Според него, повикани се само резервисти со борбено искуство и специјална воена обука.
Соработникот на Путин, исто така, призна дека „се појавуваат прашања што ги загрижуваат (руските) граѓани“ по уличните протести и извештаите за масовниот егзодус на млади Руси од земјата. Володин рече дека руските трупи во Украина денеска се борат и со „силите на НАТО“.
– Во Украина има обучувачи на НАТО, платеници од земјите на НАТО, технологија на НАТО, оружје и муниција. Има 1.000 километри линија на фронтот за одбрана, додаде тој.
Ново на Сител
-
Тема на денот со доктор Катерина Мирчовска, директор на кочанската болница
-
Со владиниот авион ќе бидат евакуирани македонците кои се наоѓаат во Израел
-
Трет ден конфликт меѓу Израел и Иран, Трамп и Путин ја оценија состојбата како „многу алармантна“
-
Кочани на приоритетната листа за министерот за здравство - Алиу вели дека нема да оперира, туку ќе менаџира со системот
-
Процесот на рехабилитација на повредените во пожарот во Кочани е долг, скап и макотрпен
-
Обвинителството им стои на располагање на семејствата на жртвите
-
Зајкова бара собраниска седница зад затворени врати за престојниот НАТО Самит
-
Откриени 5 гробници издлабени во камен на локалитетот Крклари дел од заштитеното подрачје Маркови Кули