Претседателот на ЕПП, Вебер е за подигнување ограда на надворешните граници на ЕУ

Претседателот на Европската народна партија (ЕПП), Манфред Вебер, се залага за построга европска имиграциска политика и, меѓу другото, предлага да се подигне ограда на надворешните граници на Европската унија.

„Оградите се секогаш последно средство, но тие се неопходни секаде каде што шверцерите на луѓе ги прекршуваат европските закони. Онаму каде што не е можно да се спречи илегалната миграција, потребни ни се огради“, изјави претседателот на ЕПП и потпретседател на баварската Христијанско-социјална унија (ЦСУ) за медиумската групација „Функе“.

Како места каде што би можела да се примени оваа мерка ги спомена источните граници на ЕУ, Медитеранот, а особено границите на Бугарија и Грција со Турција, пренесува Хина.