Претседателот Иванов во официјална посета на Хрватска

Претседателот на Република Македонија Ѓорге Иванов од денеска престојува во дводневна официјална посета на Република Хрватска.

Претседателот Иванов во Загреб ќе има средби со претседателот на Република Хрватска, Колинда Грабар-Китаровиќ и со претседателот хрватскиот Сабор Јосип Леко.

Македонскиот претседател ќе ја посети и Општина Ѓаково, каде што ќе се сретне со претставници на локалната македонска заедница и ќе присуствува на културно - уметничка програма на македонското КУД „Браќа Миладиновци“ од Хрватска.

Во делегацијата, што го придружува претседателот Иванов за време на официјалната посета на Република Хрватска, е и министерот за одбрана на Република Македонија, Зоран Јолевски. Предвидено е Јолевски во Загреб да се сртене со неговиот хравтски колега Анте Котромановиќ.