Претседателот Иванов во Командата за обука и доктрини во Велес отвори Центар за симулации
Поддршка на обуката на командите и единиците на АРМ преку планирање организација, координација и менаџирање на спроведување на командно-штабни вежби до ниво на бригада предвидува новиот Центар за симулации во Командата за обука и доктрини (КОД), што денеска во касарната „Алексо Демниевски – Бауман“ во Велес го отвори претседателот на Република Македонија, Ѓорѓе Иванов, кој беше придружуван од началникот на ГШ на АРМ, генерал потполковник Методија Величковски, и амбасадорот на САД во Македонија, Џес Бејли.
Центарот за симулации е инвестиција вредна 1,4 милиони долари, донација од САД, која, според амбасадорот Бејли, е потребна за подготвување на офицерите не само за редовни вежби, туку и да се овозможи реална обука за мисии.
Бејли информираше дека оваа недела ќе има многу состаноци на НАТО- средбите со министрите за надворешни работи што претставува и голема недела за европската безбедност.
- Ова претставува зајакнување не само на безбедноста на Македонија, туку и безбедноста на нејзините партнери и сојузници, вклучувајќи ги и САД, рече Бејли.
Појасни дека овие симулатори помагаат во справување со новите предизвици што, како што рече, веќе се присутни во регионот, во рамки на Европа и надвор од неа.
Според началникот на ГШ на АРМ Величковски, основна придобивка на Центарот е можноста за обука на командите и штабовите да се подигне на повисока ниво, како и дополнителната можност на Центарот за симулации да се поврзе во мрежата на сите центри кои се наоѓаат во регионот.
Во рамките на посетата на касарната, претседателот Иванов ги обиколи сместувачките капацитети за обука на КОД при што ги посети војниците кои се наоѓаат на доброволно служење на воениот рок.
Пред врховниот командант беше презентирана и стручна литература која е изработена како дел од активностите за одбележувањето на 25 години од формирањето на АРМ.
Ново на Сител
-
Општина Карпош демантира дека издала одобрение за забавниот парк кај „Борис Трајковски“
-
ССМ: Синдикална минимална кошница за мај 60.090 денари
-
Уапсени седум педофили во Србија, во становите пронајден детски порнографски материјал
-
Русија ги обвини САД дека сакаат да распоредат оружје во вселената
-
ОЈО отвори истрага против врховниот судија Георгиев и членот на Советот на јавни обвинители Мемети
-
Ејџијан Ерлајс ја прекина продажбата на билети за сезонската авиолинија меѓу Скопје и Крф
-
Ердоган против Евровизија: „На вакви настани стана невозможно да сретнеш нормален човек“
-
МВР: Амбер Алерт Европа стартува со кампања низ цела Европа со совети како да се постапи во случај на исчезнато дете