Македонија
9. јуни 2023 - 9:24

Претрес во струшко: Пронајдени пушка и куршуми

Вчера во 08.00 часот во с.Ташмаруништа, струшко, полициски службеници од Полициската станица Струга го лишиле од слобода С.Н.(68) од с.Ташмаруништа.

Како што информираат оттаму, при претрес во неговиот дом, извршен со судска наредба, биле пронајдени и одземени 71 куршуми од различен калибар и една воздушна пушка.

- Лицето било задржано во полициска станица и по целосно документирање на случајот против него ќе биде поднесена соодветна пријава, додаваат од МВР.