Претрес на возила на наплатната станица „Гостивар“, откриени наркодилери

Надворешната канцеларија за криминалистички работи Гостивар поднесе кривична пријава против А.И.(24) и Ф.Ј.(24), двајцата од Гостивар поради  постоење основи на сомнение за сторено кривично дело „неовластено производство и пуштање во промет на наркотични дроги и психотропни супстанци и прекурзори“. На 2. овој месец во 17,05 часот на автопатот Скопје – Тетово, на наплатна станица „Гостивар“, од страна на полициски службеници, при преглед на патничко моторно возило управувано од второпријавениот, била пронајдена марихуана, која тој претходно ја набавил од првопријавениот.

Надворешната канцеларија за криминалистички работи Гостивар поднесе кривична пријава против Б.Д. (23) од село Волково,скопско поради постоење основи на сомнение за сторено кривично дело „неовластено производство и пуштање во промет на наркотични дроги и психотропни супстанци и прекурзори “. Истиот ден во 20,15 часот на автопатот Скопје – Тетово, на наплатна станица „Гостивар“, од страна на полициски службеници, при преглед на лица и патничко возило управувано од К.Н.(27) од Скопје, и пријавениот како сопатник, биле пронајдени и одземени прашкаста материја и марихуана.