Преодниот воен совет нема да го екстрадира Башир
Суданскиот Преоден воен совет најави дека нема да го испорача сменетиот претседател Омар ал Башир, кој се соочува со обвиненија за геноцид пред Меѓународниот суд за воени злосторства во Хаг, туку ќе му се суди во Судан.
Меѓународниот суд издаде потерница по Башир поради наводни воени злосторства
Откако Башир по 30 години вчера беше соборен од власт и уапсен за време на воениот удар, со земјата раководи Привремен воен совет, а за шеф е назначен суданскиот министер за одбрана Ахмед Авад Ибн Ауф.
Тој најави дека за две години во Судан ќе бидат одржани „слободни и фер избори“.
Протестите во Судан почнаа во декември поради лошата економска состојба во земјата, но набрзо се претворија во израз на општо незадоволство од владеењето на Ал Башир. Бројот на учесниците на протетсите се зголеми минатата недела, по оставката на претседателот на Алжир, Абделазиз Бутефлика.
На зголемениот интензитет на протести, суданската Влада одговори со репресија. Безбедносните сили од саботата, во повеќе наврати се обидоа да ги разбијат протестите, а во насилствата загинаа најмалку 22 лица.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка