Премиерот Заев ќе се обрати на одбележувањето на Меѓународниот ден на Ромите

Во Националната опера и балет вечерва ќе се одбележи Меѓународниот ден на Ромите, 8 Април, а по тој повод ќе присуствува и ќе се обрати премиерот Зоран Заев.

Покрај министерот без ресор задолжен за имплементација на Стратегијата за Роми 2014-2020, Музафер Бајрам, на овој настан ќе се обрати и пратеникот во Собранието на Северна Македонија, Самка Ибраимоски.

По завршување на свечените обраќања, ќе следи музичка изведба од страна на Алексијан груп, од Италија.