Македонија
3. September 2015 - 13:41

Премиерот Груевски во посета на Ѓорче Петров и Сарај

Премиерот Никола Груевски денеска ќе ги посети општините Ѓорче Петров и Сарај.

При посетата на Општина Ѓорче Петров во населбата Хром Груевски ќе изврши увид во градежните активности за реконструкција на постоечкиот објект и за доградба на нови простории во состав на основното училиште „Димитар Поп Георгиев Беровски“, како и на активностите за реконструкција и изградба на улиците „Ибе Паликуќа“ и „Злате Михајловски“, дел од проектот за изградба и реконструкција на 16 улици во општината. 

Во селата Волково и Ново Село, пак, премиерот ќе има средби со граѓани. 

Според најавата, во Општина Сарај Груевски ќе изврши увид во градежните активности за изградба на новото средно училиште во село Сарај, по што ќе има средби со граѓани во село Љубин и Шишево.