Премиерот Груевски во Кочани, Виница и Берово

Премиерот Никола Груевски денеска ќе ги посети општините Кочани, Виница и Берово.

Во Кочани, како што соопшти владината прес-служба, ќе го посети реконструираното средно општинско училиште „Љупчо Сантов“, а во Виница компанијата „Макпрогрес-Винчини“ и ќе присуствува на пуштањето во употреба на двојно тениско игралиште.

Според агендата, во Беровско премиерот Груевски ќе пушти во употреба пешачка патека околу Беровско Езеро, ќе присуствува на поставување камен-темелник за изградба на фекална канализација за продолжување на главниот колектор во туристичката населба „Беровско Езеро“ и ќе го посети реконструираното основно училиште „Никола Петров - Русински“ во населеното место Русиново.