Премиера на „Јов“ во Драмскиот театар Скопје
Премиерата на претставата „Јов“ од Венко Андоновски, а во режија на Сашо Миленковски е предвидена за 29 јануари во Драмскиот театар – Скопје. Ова е прва премиера за годинава на Драмскиот театар.
Според Венко Андоновски, „Јов“ е обид да се види до каде се денес границите на трпението и поднесувањето страдања кај човекот и човештвото воопшто.
Режисерот Сашо Миленковски на денешната прес-конференција истакна дека претставата е за релативно млада публика.
-Таа е многу брза внатре во себе. Се работи за комплетно изорганизирана приказна, рече Миленковски.
Потенцира дека претставата е изразито политичка бидејќи опфаќа сериозно политичко прашање – што и правиме на нашата планета Земја.
Венко Андоновски информираше дека текстот го пишувал последните три-четири години. – Темата е јасна, бараме смисла дури и во бесмисленото, потенцира Андоновски.
Актерот Игор Стојчевски кој го игра Јов истакна дека се работи за нашиот однос кон платената Земја и додаде оти таа е мајка која трпи од нашето однесување. Пораката на претставата, како што рече, е не треба да се суди никому.
Актерската екипа на претставата „Јов“ ја сочинуваат актерите Игор Стојчевски, Соња Стамболџиоска, Филип Трајковиќ, Златко Митрески, Игор Георгиев, Александра Павлова, Емилија Мицевска и Благица Димитровска. Музиката е на Венко Серафимов, дизајнот на Владимир Симоновски, а кореографијата на Валентин Апостоловски.
Во претставата играат најмладите актери од Драмскиот театар – Скопје.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп