Премиера на балетот „Танцот на кадетите“ на Bullfrogs Ballet School
Во понеделник, 18 јуни, со почеток во 20:00, на големата сцена во Македонската Опера и Балет, премиерно ќе се изведе балетот „Танцот на кадетите“, во продукција на Bullfrogs Ballet. Билетите се во продажба на билетарата на МОБ. Кореографијата е на Александра Никифоровски, уметничкиот директор на Bullfrogs Ballet School, а работена е според кореографијата на Дејвид Лишин, кој за прв пат го поставува балетот на 1 март 1940 година за Театар Ројал во Сиднеј, Австралија.
Дејствието се одвива во женско училиште во Австрија околу 1840-тата година и ја раскажува приказната за матурскиот бал во училиштето, каде преку танц и комични ситуации се пренесува приказната за првата средба помеѓу младите девојки и кадетите, како и првата романса помеѓу главните ликови во балетската претстава, на музика од Јохан Штраус.
Главните улоги ќе ги одиграат Керолајн Бутемeр, Јана Трпковска, Анастасија Саша Тофоска, Бистра Младеновска, Андреа Ѓошева, Срна Керметчиева, Нина Ханафин, Миа Атанасовска, Ива Јарчевски и Матеа Дамева, од Bullfrogs Ballet School. Улогата на директорката на женското училиште ќе ја одигра Надица Цикарска Ристеска, додека пак улогата на директорот – Генерал на воената академија ќе ја одигра Томислав Давидовски. Ансамблот го сочинуваат учениците од Bullfrogs Ballet School.
Овој енергичен и комичен балет во еден чин ја обработува приказната за Матурскиот бал во женско училиште во Виена во некаде околу 1940 година, на кој се поканети и кадетите од блиската воена академија. Bullfrogs Ballet School e првото интернационално приватно балетско училиште кое оваа година ќе одбележи 10 години од своето постоење, предводено од Александра Никифоровски.
Никифоровски има долгогодишно искуство како балетски педагог и кореограф. Нејзиното кореографско портфолио ги вклучува: „И жената знае да вози“, „Аметист“, „Тесеракт“, „Моите песни, моите соништа“, „Ени“, „Тарантела“, „Лебедово езеро“, „Сон на летната ноќ“.
Ново на Сител
-
Што е „Хаибар“ – новата ракета со која Иран му се заканува на Израел и ќе го „шокира светот“?
-
Иран им се закани на САД, Велика Британија и Франција со напади врз нивните воени бази и бродови ако му помогнат на Израел
-
Во првиот квартал 5.717 купопродажби и 2.327 закупи на недвижности, запишани 2.596 хипотеки
-
Мицкоски: Поддршка за земјоделството, да купуваме македонски производи
-
Иран започна петти бран воздушни напади врз Израел, најави удари и на американските бази на Блискиот Исток
-
Уште една држава се придружи во БРИКС - Виетнам стана „земја партнер“
-
Го следеле, нападнале и му одзеле илјадници денари- Двајца осомничени за разбојништво
-
Сиљановска-Давкова прими американски и македонски професори кои соработуваат во областа на археологијата