Преку 40 тимови на проценители на штета во поплавените подрачја

Повеќе од 40 екипи на проценители на штета работат на терен секојдневно во поплавените подрачја во скопско. До вчера беа направени 1.200 проценки, во текот на вчерашниот ден 800, денеска се очекува приближно иста таква бројка... Тој процес се очекува да заврши во текот на следната недела, изјави денеска претседателот на ВМРО-ДПМНЕ Никола Груевски. 

Од тој аспект, според него, Владата направи одлична организација и максимален обид колку што е можно овој процес да заврши.

Груевски во интервју за ТВ Сител потенцираше дека на терен се ангажирани огромен број граѓани, припадници на војската и на полицијата, механизација, набавени беа 1.200 пумпи за испумпување на водата.