Прекината свадба во струмичко со 300 гости и жива музика
Свадбата во селото Банско, која вчера ја прекина полицијата, била организирана на отворено, со настап на пеач и оркестар во живо, потврдуваат за МИА очевидци од селото и портпаролот на СВР Струмица, Александра Трајанова.
Очевидци велат дека просторот каде се организирала свадбата бил блокиран од двете страни со автомобили и неколку часови среде бел ден траела свадбената веселба. Откако полицијата интервенирала свадбарите се разбегале.
Според соопштението од СВР Струмица, Д.И.(57) и А.И.(54) ја организирале свадбената веселба на нивниот син Е.И.(26), на која присуствувале околу 300 гости.
-По целосно документирање на случајот, ќе биде поднесена кривична пријава по член 206 од Кривичниот законик „непостапување според здравствените прописи за време на епидемија“, информира портпаролот Трајанова.
За настанот бил известен и обвинител од ОЈО Струмица.
Инаку, пред два дена полицијата во дом на струмичанец прекина забава на која учестувале 11 лица.
Ново на Сител
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите