Прехранбени и хигиенски пакети за ромската заедница во Берово

Во Берово се поделени 70 прехранбени и 70 хигиенски пакети наменети за ромската заедница во градот. Активноста се реализираше со поддршка на волонтери од невладината организација „Сонце“ од Тетово и во соработка со Црвениот крст и фондација „Отворено општество-Македонија“.

-Дистрибуцијата на хуманитарната помош се реализираше согласно препораките за заштита од вирусот Ковид-19, со тоа што волонтерите заштитени влегуваа во домовите на корисниците. Со оваа помош се надеваме дека и овој пат им помогнавме на повеќе семејства за полесно справување во овие тешки моменти, истакнаа донаторите.

Претходно, хуманитарна помош за ромската заедница беше обезбедена со поддршка на неколку организации и поединци од Берово.