Преглед на вестите од светот

Украинскиот претседател Володимир Зеленски во вторникот изјави дека Русија погодила и тешко оштетила возило на Меѓународната агенција за атомска енергија (МААЕ), а тоа го потврди и генералниот директор на агенцијата, Рафаел Мариано Гроси. Возилото се движело кон нуклеарната централа Запорожје. Инцидентот е без жртви.
Зеленски, исто така, рече дека 10-12 дополнителни системи за противвоздушна одбрана Патриот ќе и овозможат на Украина целосно да го заштити својот воздушен простор.
САД одобрија заем од 20 милијарди долари за Украина, а како дел од програмата за вонредно зголемување на приходите за функционирање на Владата на Украина. Администрацијата на Бајден има за цел да ја стави Украина во најсилната можна позиција и ќе продолжи да презема значајни чекори за помош на земјата во нејзината борба против Русија. 

Три лица загинаа, а 16 се повредени при руски ракетен напад при што е погодена приватна клиника во Запорожје, а некои се заробени во урнатините. Спасувачите продолжуваат да работат на расчистување и на пребарување на уште осум лица. 

Претседателот Зеленски го нарече нападот „брутален“ и упати нов апел до сојузниците да и снабдат на Украина воздушна одбрана. Руските трупи редовно вршат напади врз Запорожје и околниот регион. Во петокот во напад на градот загинаа 10 лица, а повеќе од 20 беа ранети.

Новоизбраноот американски претседател Доналд Трамп рече дека решавањето на украинската криза ќе биде негов главен приоритет откако ќе ја преземе функцијата следниот месец, опишувајќи го Блискиот Исток како „помалку тешка ситуација“.

Расположението во Дамаск е славеничко. Луѓето во главниот град на Сирија се на улиците и го прославуваат крајот на владеењето на Башар ал Асад. Во меѓувреме од Москва стигна информацијата - Русија го префрлила Башар ал Асад, соборен од молскавична офанзива на бунтовниците од позицијата претседател на Сирија, на „најбезбеден начин“, изјави заменик-министерот за надворешни работи на таа држава, Сергеј Рјабков во интервју емитувано за Ен-Би-Си.

Шумски пожар со силните ветрови гореше северозападно од Лос Анџелес, принудија околу 16.000  жители во Малибу да се евакуираат бидејќи им се закануваше на домовите, ја прекина струјата и ги затвори патиштата во заедницата на плажа.

Пожарот уништи мал број домови, но не предизвика повредени или смртни случаи. Причината за пожарот останува непозната.

Националната метеоролошка служба (NWS) издаде предупредување со црвено знаме, сигнализирајќи зголемен ризик од опасност од пожар за областа бидејќи налетите на ветерот се очекуваат до 100 километри на час. Предупредувањето за евакуација останува во сила до среда, но метеоролошката служба очекува ветровите да бидат послаби.