Преглед на вестите од светот

 Американската пејачка и актерка Џенифер Лопез ја изрази својата поддршка за потпретседателката на САД и демократска кандидатка за претседател Камала Харис на синоќешниот митинг во Лас Вегас. Лопез пред присутните на митингот ја претстави потпретседателката на сцената и да ја прегрне.

Камала Харис ги предупреди приврзаниците на собирот во Феникс дека републиканецот Доналд Трамп и неговите сојузници ќе ги намалат програмите за здравствени програми доколку победи на изборите. Таа се осврна и на неговиот настап во Висконсин за неговите коментари за жените. 

На нејзиниот митинг, Харис одговори: „Ова не е прв пат да ни каже кој е. Тој не верува дека жените треба да имаат агенција и овластување да донесуваат одлуки за нивните тела“.

ТРАМП Поранешниот претседател Доналд Трамп употреби антиимиграциска реторика за да им се додворува на гласачите за време на синоќешниот митингот во Невада.  Трамп им рече на своите поддржувачи дека Соединетите држави се „окупирана земја“ и им вети на гласачите дека 5-ти ноември ќе го одбележи „денот на ослободувањето“ на нацијата.

Невада, една од седумте држави заедно со Аризона, Џорџија, Северна Каролина, Висконсин, Пенсилванија и Мичиген, каде се очекува да биде решено, кој ќе биде новиот претседател на САД. 

Анкетите на јавното мислење покажуваат историски близок однос меѓу Харис и Трамп, при што исходот од претседателските избори во САД во вторник најверојатно ќе биде решен во седум држави.

САД Соединетите Држави имаат информации кои укажуваат дека „во моментов“ има 8.000 севернокорејски војници во руската област Курск, изјави заменик-американскиот амбасадор во Обединетите нации Роберт Вуд пред Советот за безбедност за време на синоќешната седница. Истото го изјави американскиот државен секретар Ентони Блинкен на прес конференција по состанокот меѓу САД и Јужна Кореја. 

Рускиот претставник на 15-член Совет за безбедност не му одговори на Вуд. Москва ниту го негираше, ниту директно го потврди присуството на севернокорејски војници. 

15-члениот Совет за безбедност на ОН се состана на барање на Русија за испорака на оружје од Запад за Украина.

ШПАНИЈА  ПОПЛАВИ Бројот на загинати од разорните поројни поплави во источна Шпанија се искачи на 158 при што спасувачките тимови сè уште трагаат по исчезнатите во она што може да стане најголемата европска катастрофа поврзана со невремето. Низ регионот на Валенсија, снимките го покажаа степенот на штетата со кал, остатоци и стотици натрупани автомобили кои ги блокираа улиците. Поплавите во Валенсија ја зафатија инфраструктурата во регионот, одземајќи мостови, патишта, железнички пруги и згради додека реките се излеаја од коритата. Околу 80 километри патишта во источниот регион се сериозно оштетени или непроодни, а многу беа блокирани од напуштени автомобили. Трактори и камиони за влечење работат на расчистување на автопатот погоден од поплавите во Валенсија. Илјадници волонтери се упатуваат кон Валенсија да помогнат во расчистувањето на градот од поплавите. 

Метеоролозите велат дека климатските промени предизвикани од човекот ги прават ваквите екстремни временски настани почести и погубни.