Преглед на вестите од светот

Рускиот амбасадор во Обединетите нации рече дека неговата земја не е одговорна за нападот во понеделникот врз главната детска болница во Киев за состанокот на Советот за безбедност на Обединетите нации одржан синоќа. Тоа беше проектил на украинската воздушна одбрана, рече Василиј Небензија.

Мисијата на ОН за права во вторникот соопшти дека постои „голема веројатност“ главната детска болница во Киев да била директно погодена од руски проектил за време на серијата воздушни напади врз украинските градови, бидејќи Кремљ продолжи да негира вмешаност.

Украина ги спушти знамињата на половина копје во знак на жалост за да ја одбележи смртта на 41 лице, убиени низ целата земја во воздушните напади во понеделникот, вклучително и четири деца и две лица во детската болница Охматдит во главниот град.

Украинската служба за безбедност соопшти дека има недвосмислени докази дека медицинската установа била погодена од руска крстосувачка ракета Кх-101 за време на најсмртоносната серија напади во последните неколку месеци, и објави слики од, како што рече, фрагменти од моторот на оружјето.

Од Русија соопштија дека, дека детската болница не е погодена од Русија, туку од украински противракетен оган. Во болницата се лекува пациенти со сериозни состојби како што се рак и бубрежни заболувања.

Двајца цивили, маж и жена, загинаа на Голанската висорамнина во ракетен напад на Хезболах од јужен Либан, соопшти израелската полиција. Ракетата директно го погодила возилото во кое се наоѓале жртвите. Биле истрелани околу 40 ракети, а Хезболах ја презеде одговорноста тврдејќи дека мета била воена база Нафах како одговор на убиството на членот на Хезболах.

Израелските безбедносни сили (ИДФ) соопштија дека нападнале позиции на Хезболах во централниот дел на Либан. Во соопштението се наведува израелски авион гаѓал систем за противвоздушна одбрана на Хезболах.

Европската ракета Аријана 6 патува во вселената на својот инаугуративен лет откако беше лансирана од европскиот космодром во Куру во Француска Гвајана. Со ова лансирање, европскиот вселенски сектор се надева дека ќе ја надмине кризата во секторот за лансери и повторно ќе воспостави сопствен пристап до вселената за сателитите.

Аријана 6 е наследничка на Аријана 5, која беше во функција од 1996 година до летото 2023 година. Дизајнирана е да лансира сателити во вселената за комерцијални и државни клиенти и е значително поевтина од нејзината претходничка. Првото комерцијално лансирање на Аријана 6 е закажано за пред крајот на година.