Преглед на вестите од светот

Најмалку осум лица загинаа, а неколку други беа ранети во новата серија напади со руски беспилотни летала во Украина. Во напад со беспилотно летало на бензинска пумпа во источниот град Харкив загинаа седум лица, меѓу кои три деца. Горивото од оштетената бензинска пумпа запалило неколку околни куќи и дека околу 50 луѓе биле евакуирани од областа.

„Зад мојот грб е улицата Котелнија, каде изгореа 15 куќи. Во една од куќите имало семејство, пет лица, двајца млади родители и нивните три деца. Сите загинаа, живи изгореа. Човек кој не можеше да оди беше во друга куќа. За него се грижела сопругата, и тие умреле – живи изгорени“ – Серхии Болвинов, шеф на Истражниот оддел на Националната полиција во регионот Харков

Украинските власти рекоа дека собориле 23 од вкупно 31 дронови лансирани од Русија.

28 Палестинци загинаа во израелските воздушни напади врз Рафа доцна синоќа. Нападите следеа неколку часа откако израелскиот премиер Нетанјаху рече дека побарал воен план за евакуација на стотици илјади луѓе од јужниот дел на Газа пред копнената инвазија.

„Мојата сестра и нејзиниот сопруг спијат таму во собата, а мајка ми и другата сестра со нејзините деца во дневната соба, а јас и татко ми во собата овде. Одеднаш, ракета падна врз нас. сестра, нејзиниот сопруг и нивните деца, вклучително и мојата внука која има два месеци, сите ги нема“ – Енас Амер

Повеќе од 1 милион жители на Газа се потиснати во Рафа. Најголемиот дел од нив се таму по повеќекратното раселување поради израелската наредба за евакуација.

Приватен патнички авион со пет лица слетал на прометен автопат на Флорида и се судрил со возило во движење. При несреќата загинале најмалку две лица.

Снимките од местото на настанот споделени на социјалните мрежи сведочат за страшниот пожар. 

На деловниот авион му откажале двата мотори.

Засега не се знае дали загинатите биле во авионот или во возилото.