Предупредување на СЗО: Коронавирусот ги убива и младите
Светската здравствена организација (СЗО) синоќа упати застрашувачко предупредување кон младите луѓе низ светот, укажувајќи им дека коронавирусот може да го влоши здравјето и да убива и млади луѓе и дека тие треба да избегнуваат да се собираат и потоа да го пренесуваат на повозрасните и поранливите категории луѓе, јавија агенциите.
Бројот на заразени со коронавирусот низ светот утринава е веќе над 275 000, а на смртните случаи околи 11.500.
-Иако повозрасните луѓе се најзасегнати, вирусот не ги одминува ни помладите. Податоците од многу земји покажуваат голем процент на пациенти кои имаат потреба од хоспитализација а се под 50-годишна возраст. Денеска имаме порака кон младите луѓе: Вие не сте неранливи пред вирусот – тој може да ве однесе во болница со недели и дури и да ве убие. Дури и да не се разболете, изборот каде да отидете може да се покаже прашање на живот и смрт за некој друг, изјави првиот човек на СЗО, Тедрос Аданом Гебрејесус.
На одгласите за светски недостиг на заштитна облека за здравствените работници и тестови за коронавирус кинеските производители се договорија да испорачаат таква опрема за СЗО. Постигнат е договор материјалите да се испорачаат во складот на СЗО во Дубаи и оттаму ќе бидат насочувани таму каде има најголема потреба од нив.
-Ќе има потреба од „воздушни мостови” за изведување на испораките до земјите во кои здравствените работници имаат потреба од нив, откако многу редовни летови беа откажани, изјави Мајк Рајан, експерт на СЗО за вонредни ситуации.
Ново на Сител
-
ЛЕ: Гол предност за Нотингем Форест и Брага
-
Сиљановска-Давкова: Да градиме општество во кое трудот се цени и вреднува, а социјално-економските права се остваруваат
-
Американските власти објавија видеоснимка од нападот на гала-вечерата со Трамп во Вашингтон
-
Приведен прилепчанец за измама од над 88.000 евра – лажно ветувал лекување во странство
-
Возило излетало од автопатот Скопје–Велес, шест лица извлечени без животна опасност
-
ССМ со првомајски протест за повисока минимална плата, СОНК останува на дијалог
-
Свежо утро со минусни температури, преку ден променливо облачно со сончеви периоди
-
Премиерот Мицкоски во посета на Охрид, поставување камен темелник на катна гaража и увид на градежни работи „Кај Чинарот“
