Предраг Луциќ: Песна за Предраг Самарџиски
По тешко боледување, на 10 јануари во Сплит почина Предраг Луциќ, реномиран хрватски новинар, писател, поет, хуморист и режисер, познат во целиот балкански регион. Предраг Луциќ е роден 1964 во Сплит. Тој е еден од основачите на легендарниот неделник „Ферал Трибјун“, а го започна и уредувањето на Фераловата библиотека. Од летото 2009 во риечкиот весник „Нови лист“ тој пишуваше дневна колумна под наслов „Трафика“.
Интересно Луциќ има објавено и осум песни на македонски напишани по патувањето низ Македонија, кое го организираа Независни писатели на Македонија во 2005 година.
Една од тие песни му е посветена и нашиот кошаркарски репрезентативец Предраг Самарџиски кој тогаш настапуваше за КК Партизан.
ПРЕДРАГ САМАРЏИСКИ
Во македонскиот Глобус
Што се вика Фокус
Читам интервју со кошаркар
Кој вели
Во Македонија сум изрод
А во Партизан сум ѕвезда
Ех да е Синан Гуџевиќ овде
Тој епиграмски би му рекол
Во Партизан дека може и да биде ѕвезда
Но во Ѕвезда не и партизан
А и во Партизан
Мајсторче
Ете
Дека дошле некои такви времиња
Дури и ѕвезда може да се биде
Но никако
Никако партизан
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари