Предавање за производство на вино во домашни услови
Производство на вино во домашни услови, беше насловот на предавањето за индивидуалните преработувачи на грозје што се одржа синоќа во Кавадарци, во организација на Здружението на винари на Македонија.
Со предавањето беше означен стартот на манифестацијата „младо вино“ која годинава ќе се реализира четврти пат и во чии рамки денеска ќе се одржи дегустација и оценување на вина од домашни производители, додека утре е доделувањето на наградите за најдобрите.
Предавачот и претседател на Здружението Игно Тасев ја истакна потребата од дополнително едуцирање на земјоделите и најави повеќе вакви настани во иднина.
- Целта е индивидуалните производители на вина да можат во своето производство, покрај традицијата и знаењето, да ги вметнат и енолошките решенија што ги нуди новото време за подобар производ и развивање мали, семејни бизниси, рече Тасев за МИА.
Според, заменик претседателот Елена Богева, се зголемува интересот кај индивидуалните винари да учествуваат на натпреварот за најдобро вино и квалитетот на пристигнатите мостри е се подобар.
Предавањето се одржа во просториите на дисперзираните студии при Универзитетот „Гоце Делчев” (УГД) од Штип, во рамки на традиционалната соработка која Здружението ја има со Земјоделскиот факултет при УГД.
Ново на Сител
-
НАТО и името на „координацијата за меѓународната безбедносна помош“ за Украина
-
Сончево и топло, температура до 36 степени
-
САД ќе продолжат да се ангажираат за прашања од заеднички интерес
-
Може ли за неколку месеци да се стане АИ експерт? | Growth Labs Academy | Sitel Podcast 050
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи