Предавање за јавниот имиџ на укажувачите (свиркачите)

Здружението на новинари на Македонија во соработка со Амбасадата на САД во Македонија денеска организира предавање и дискусија на тема „Улогата на медиумите во развојот на јавниот имиџ на укажувачите (свиркачите)“.

На настанот ќе се обрати претседателот на ЗНМ, Насер Селмани, а потоа предавање ќе одржи Том Девајн, кој е долгогодишен меѓународен експерт во областа на законите за заштита на свиркачите.

По презентацијата, како што велат од ЗНМ, ќе има дискусија со присутните во врска со оваа актуелна медиумска тема. - Целта на оваа соработка е да се запознаеме со последните практики за мониторинг на медиумите во врска со укажувањето како и заштитата на укажувачите, додаваат од ЗНМ.